रुघाखोकी लागेको छ ? घरेलु औषधि यसरी गर्नुस


Nepalkura

  • 8
    Shares

काठमाडाैँ- अहिले ज्वरो र खोकीले धेरैलाई सताइरहेको छ । कोरोना संक्रमणको लक्षण जस्तै भएपनि मौसमी फ्लुको कारण यस्तो भएको चिकित्सकको भनाई छ । कोरोना संक्रमणको भय पूर्णत हटिसकेको छैन । अझैपनि यसको जोखिम छँदै छ । कतिपयलाई सताइरहेको रुघा–खोकी, ज्वरो आदि भने मौसमी फ्लु हो ।

रुघाखोकी लाग्नसाथ औषधि खाने प्रवृत्ति हामीमाझ छ । चिकित्सकको परामर्श बिना नै औषधि खाँदा थप जटिलता आउन सक्छ ।

रुघाखोकी मात्र लागेको हो भने तातो पानीको बाफ लिनु पनि निकै राम्रो हुन्छ । त्यसो त सामान्य ज्वरो वा रुघाखोकीमा घरेलु औषधि पनि उपयोगी हुन्छ ।

खासगरी रुघाखोकी लागेको अवस्थामा बेसार, तुलसी, अदुवा जस्ता घरेलु औषधि खाएर पनि निको हुन्छ ।

रुघाखोकीबाट राहत पाउनको लागि १ गिलास तातो दुधमा १ चम्चा बेसार मिसाएर पिउनुपर्छ । तुलसी रुघाखोकीको लागि निकै प्रभावकारी औषधि हो । तुलसीको चार पाँच पत्ता तुलसी चपाउनाले घाँटीको खसखर र खोकीबाट राहत मिल्छ । यसलाई चिया वा तातोपानीमा उमालेर पनि पिउन सकिन्छ ।

अदुवाको रस महमा मिसाएर खाएमा पनि खोकीबाट राहत मिल्छ । राती सुत्नभन्दा अगाडि दूध वा चियामा अदुवा उमालेर पिउनुपर्छ । यसैगरी अलैंचीलाई चियामा उमालेर पिउनाले रुघाखोकी ठिक गर्छ ।

कफ जमेमा यस्तो गर्न सकिन्छ।

मह र कागती

एक चम्चा मह र २ चम्चा कागतीको रस मिसाएर पिउनाले पनि घाँटीलाई आराम दिन्छ ।

महमा एन्टीब्याक्टेरियल र एन्टी फंगल गुण पाइन्छ । त्यस्तै कागतीमा भिटामिन सीको भरपुर मात्रा पाइन्छ जसले घाँटीलाई तुरुन्त आराम दिलाउँछ ।

मरिच

मरिच श्वासप्रशवसको समस्या समाप्त गर्नको लागि आयुर्वेदमा चमत्कारी औषधि मानिन्छ ।

मरिचमा पाइपरलांगमाइन नामक रसायनिक तत्व पाइन्छ यसले हाम्रो शरीरमा एन्जाइम बन्नबाट रोक्छ । शरीरमा बन्ने एन्जाइमले खोकी र यसको इन्फेक्सनलाई बढाउँछ जुन कफको कारण बन्छ । दैनिक एक कप पानीमा २० दाना जति मरिच उमालेर त्यसमा मह मिसाएर पिउनाले निकै पाईदा हुन्छ।

तातो पानी

कफ जमेको स्थितीमा हल्का तातो पानी पिउनुहोस् । यसले छाती र घाँटीमा जमेको कफको मात्रालाई कम गर्छ । कागती पानी वा कागतीको चिया पिएर पनि तपाईं आफूलाई हाइड्रेट राख्न सक्नुहुन्छ ।

नुनपानीले कुल्ला

नुन पानीले कुल्ला गर्नाले घाँटीलाई राहत मिल्छ र घाँटीमा जमेको कफ सफा हुन्छ । यसले घाँटी सफा हुन्छ र घाँटीमा भएका सबै किटाणु पनि मर्छन् ।एजेन्सी